Texas Triangle

El Triángulu de Texas, n'inglés Texas Triangle o Texaplex, ye una de les once megarrexones d'Estaos Xuníos. Nómase megarrexón, o área megapolitana, a un área urbana que ye muncho mayor n'escala qu'un área estadística metropolitana. El Triángulu de Texas fórmenlo los cuatro principales centros urbanos del estáu: Houston, Dallas-Fort Worth, San Antonio y Austin, que tán coneutaes peles autopistes interestatales I-45, I-10 y I-35.

En 2004 el Triángulu incluyía cinco de les venti mayores ciudaes de los Estaos Xuníos, y vivían nelli 13,8 millones de persones, el 70% de toles del estáu. Calcúlase que nos 40 años vinientes la población del Triángulu ha crecer más d'un 65%, de forma que vivirán nella 10 millones de persones más qu'anguaño y un total del 78% de los texanos.

El Triángulu abarca, amás de les árees metropolitanes de les cuatro ciudaes enumberaes enriba, inclúi tamién les árees estadístiques metropolitanes de Bryan-College Station, Killeen-Temple-Fort Hood y Waco y doce árees estadístiques micropolitanes. 66 condaos formen parte d'elli, nún área que tien el so centru nel condáu de Burleson. Son los de Atascosa, Austin, Bandera, Bastrop, Bell, Bexar, Brazoria, Brazos, Burleson, Caldwell, Chambers, Collin, Colorado, Comal, Cooke, Coryell, Dallas, Delta, Denton, Ellis, Falls, Fayette, Fort Bend, Freestone, Galveston, Gonzales, Grayson, Grimes, Guadalupe, Hardin, Harris, Hays, Henderson, Hill, Hood, Houston, Hunt, Jefferson, Johnson, Kaufman, Kendall, Lavaca, Lee, Leon, Liberty, Limestone, Madison, McLennan, Medina, Milam, Montgomery, Navarro, Orange, Parker, Rockwall, Robertson, San Jacinto, Somervell, Tarrant, Travis, Walker, Waller, Washington, Wharton, Williamson, Wilson y Wise.